Մեր մասին

Այս կեդրոնը յաճախած եւ յաճախող բոլոր փոքրերուն, ծնողներուն, նախկիններուն, կամաւորներուն եւ, համակիրներուն համար, Հայ Մշակոյթի Տունը եղած է կենդանի, ջերմ, համախմբող վայր մը, հրաշալի փեթակ մը, ուր իւրաքանչիւր անհատ կրնայ մշակել իր զոյգ ինքնութեան հետ կապը, հանդիպիլ տաղանդներու, քննարկել գաղափարներ, ժամանակ անցընել իր հարազատներուն հետ՝ մնալով անընդհատ կապի մէջ անցեալին, ներկային եւ ապագային հետ։

Հայ Մշակոյթի Տուն յաճախել կը նշանակէ նաեւ բացուիլ տեղական, նահանգային, ամբողջ Ֆրանսայի եւ նաեւ համաշխարհային ցանցերու՝ Միջին Արեւելքի հետ, Հայաստանի եւ բոլոր երկիրներուն հետ, ուր այսօր հայեր կ՚ապրին։ Այդ առիթ կ՚ընծայէ ներկայ գտնուելու զանազան ձեռնարկներու՝ երգահանդէսներու, նուագահանդէսներու, դասախօսութիւններու, գեղարուեստի ցուցադրութիւններու, գիրքերու ներկայացումներու եւ այլազան ու զանազան աշխատանոցներու։